انطيني رايك اذا طالب بجامعة الانبار

[صقر الرافدين]

سلام عليكم
كيف حالكم يا طلبة جامعة الانبار بس رايد رايكم اني طالب بغير جامعة احول انبار لو ابقى بجامعتي كل واحد يدخل وهو بجامعة الانبار ينطيني راية بلا امر عليكم

[ابن الغربيه1]

والله صقر الرافدين اني شايف الجامعه بس صارلي فتره طويله ما رحت بس اذا انت ما مرتاح بجامعتك حول لجامعة الانبار واذا مرتاح ابقى حبي بجامعتك وتقبل مروري وتحيتي وخيار الامور تعجب اهاليها

[أناهيد]

اذا مرتاح بجامعتك انصحك ان تبقى بيها احسن واذا ما مرتاح وحاب تجي اهلا وسهلا ماكو مشاكل واحسن شي تصلي استخاره والله يختارلك ما فيه الخير
تحياتي

[معجون طماطه]

حبي ابقى بجامعتك ولا تجي على العصابات في جامعه الانبار ترى تصير مكرود مثل ما نكردنا
بس اذا عندك دفع زين تعال وامرك حيلللللللللللللل عدله تصيررررررررر
بدون تعليق
مجرد راي

[بنت عانه]

عليكم السلام ياصقر الرافدين

اني طالبه بجامعه الانبار واداوم بيه برأي الجامعه زينه وخصوصا السنه الي مضت اتحسنت عن السنين الماضيه

واذا مامرتاح بجامعتك وتريد تحول يمنه كل الهلا بيك وتنور الجامعه والله

تحياتي الك

[احمد تيتو]

خويي والله اني الحض هاي السنه الفاتت ماكعد ويايه ومادخلت بكلوريا


لا والله مادري شيصير ميصير با الجامعه


واعذرني اخويه العزيز

[حمورابي]

السلام عليكم انا طالب بالجامعه وايدك تبقى في جامعتك الان جامعة الانبار فاشله صاحبت الرشاوي والواسطات

[خطاب العاني]

هلا والله اخوي العزيز
تعال لجامعة الانبار و اهلا وسهلا بيك

[سفير وردة بلادي]

اخوية هو الوضع يحددك تبقى بجامعتك او تنقل مو انت اداوم بالقادسية ولا بغداد ولا بالانبار.اكلك بالعامية اذا انت من الجنوب حياك الله ماكو شي يعني ماكو علس واذا انت من الانبار خلها تصفى الاوضاع وبعدين حول اذا ما عجبتك .. مع العلم اني طالب بجامعة الانبار ...

[تــأزر]

اهلااااا اخ صقر ,,, اذا تريد تجي للانبار الف هلاااااا,,بس اذا مرتاح بجامعتك ابقى ...وعادي جامعة الانبار وضعها احسن هاي السنه ,,,,,وانت صاحب الاختيار الاخيررررررررر واتمنالك التوفيق ..تحياتي

[زيد العراقي]

صلي استخارة اخوية العزيز والله المستعان

[ابو سيروان العاني]

وله اخوي اذا مرتاح بجامعه الي بيه ضل بيه واذا مو مرتاح ولله جمعة الانبار هم زينه
وتبقه هاي يمك

[السيف الجارح]

والله اخي العزيز اني من جامعة الانبار انصحك نصيحة لوجه الله تعالى ابقى بجامعتك احسن بهواية نصيحة من واحد ضايك المر بجامعة الانبار والله الموفق

[Dr_alani85]

والله يا عيني اني ما داومت بيها لان المجموعة الطبية خارج الجامعة
بس جنت اروح عليها هوايه
والله جامعة زينة
وتعال يمعود احسن من غيرها
وانت وين ما تروح اكو الزين واكو ال مو زين
والف هله بيك

[جروحي]

حبي اني السنة اتخرج واخلص اممم

والوضع الجامعي بصورة عامة جيد ولكن مو كل ايدك سوا واكيد ومن الشي الطبيعي ان نشوف تدرسيين عندهم فد مزاج معين وللاسف الشديد
ولكن السنة الماضية وهذا السنة اكو تحسن ملحوظ على المستوى العام
وبصراحة اني اعلنت هالشي ومن حسن حظي بقاء مع قناة البغدادية صدفة لقاءي معها في جامعة الانبار
واذا ما مرتاح نفسيا ودراسيا بجامعتك
اني اشدّ عليك من تجي لجامعة الانبار هاي بعد قناعتك الشخصية اكيد
بس طلبت راينا وهذا راينا
واتمنالك كل التوفيق يا غالي
جلّ احترامي

[ملك الرومانسية84]

اي اخويه حول حول الف هلا بيك ومرحباااا شبيها بس ناقصها شيء واحد ؟؟؟

[ابو انس]

والله يا أخي الخير في ما اختاره الله
وانت بكيفك وين مترتاح
اتوكل على الله فهو حسبك

[ابو انس]

http://7bna.com/up/uploads/13e90349e5.gif

[علاوي الكبيسي لحن الوفاء]

جامعة الانبار محسوبه جامعة لكن اني كطالب بالجامعه رائي الطلاب جنود ومعاون العميد الضابط مالتنا تلاكيه واكف من الصبح على الزي الموحد منا لجم يوم يجوز يكومون يحاسبون الطلاب لا تضحك الا ورى ال12 الضهر وافضل ا لي يلكاله غير جام:27:عه يفلت وربي ويخلص


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي