هل تواجه مشكلة في تسجيل الدخول ؟ اضغط على الرابط التالي لطلب المساعدة الفورية

https://m.me/100003916609305

العودة   منتديات أهل الأنبار > ๑۩۞۩๑ المنتديات الأدبية ๑۩۞۩๑ > منتدى الشعر العراقي

 
معلومات الموضوع
إختصارات
عنوان الموضوع
الديوان الذهبي للشاعر الشاب المتألق احمد وهبت الحديثي
مشاركات
31
الموضوع التالي
« الموضوع السابق | الموضوع التالي »
الأعضاء الذين يتصفحو الموضوع
المشاهدات
36341
كاتب الموضوع
الحاج العلواني
إضافة رد
 
أدوات الموضوع ابحث في الموضوع
قديم 17-07-2011, 02:47 PM   #1
الحاج ابو مروان العلواني
مشرف منتدى الشعر العراقي
 
الصورة الرمزية الحاج العلواني





 

معلومات إضافية
المزاج : مبسوط
  المستوى : الحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant future
  علم الدولة: علم الدولة: Iraq
  الجنس: الجنس male
  الحالة :الحاج العلواني غير متواجد حالياً

الديوان الذهبي للشاعر الشاب المتألق احمد وهبت الحديثي

الديوان الذهبي للشاعر الشاب المتألق احمد وهبت الحديثي


اهــــداء ..........

هديه تقديريه لجميع محبي قصائد الشاعر الشاب احمد وهبت الحديثي ارجو ان تنال رضاكم ..

المقدمـــه ....


مو كلمن ضحك تحكم عليه مرتاح


نوبات البشر يضحك غصب عنه


اريدك تدخل بكلبه وتشوف الصار


مثل يوم القيامه بلايه اي جنه




********************************************


زنجيل انباري بقلمي ..اهداء لجميع الاعضاء وللمحافظه الرائعه



13/11/2009


الترف بس مر يصاحب وله عانه

ويذب ناره علروحي وله عانه
حرت اسكن حديثه وله عانه
تهت وبهيت اصلي والرمادي
وحلات الشعر لونه والرمادي
عماني الزمن بعدك والرمادي
وعلى البغدادي اكتب راوي اني
وعسل من شفته ينبع راوي اني
سئلته منين نسلك راوي اني
جمال البيه صدك من حديثه
وتطيب الروح صدك من حديثه
بحديثه الشعر لكتب من حديثه
واظل للموت ما انسه الفلوجه
وتهيم الروح وتعضعض فلوجه
تطش ورود ارضهه ولفه لوجه
ويشع النور من الخالديه
شمقدم الهه حسن خالديه
على الانبار اموت وخال اديه
اداوي جروح اهل العامريه
وشيل العا جميله العامريه
زمان المر علينه عامرايه
وصب للضيف عيني وقائم انه
وتشافي جروح علتي القائم انه
الكرم صنتي بحقيقه وقائم انه
وحلاتج ظل اثر بشفافي رطبه
والج معنى من اقدم الباء رطبه
يلوك عليج كحل العين رطبه
ويعمرج مثل زهرة وحب نيه
ويبط الجبد كلم حب بنيه
شحلاتج يالرمادي وحبانيه
انا الانباري حتى بلا هويه




******************************************


فلكشتنه ...


14/11/2009


جميله وبس تعدت فلكشتنه

وشتانه المايمرنه فلكشتنه
فلك شتنه وهمدنه فلكشتنه
وعليه بمجهر يدور عليه




**************************************


زنجيل غريب يفوتكم ....


15/11/2009


الكمر منك اخذ شعته وشعليك

وحبيبك دكدك ابوابي وشعليك
تدز مرسال غيري اعشك وشعليك
ابدمايحب كلبي الغير بل كيف
وعيوني الطاحت بفركاك بل كيف
كلت ما يكف ثوبك علي بل كيف
ولبست الحزن ردته يكف مكفكف
وزماني وياي حيل اقسه مكفكف
سلب يمناي حيث اصبح مكفكف
يساري يريد يسلبهه دبس بس
الوشالك منهو بس كلي دبس بس
بسيتك فاهي جرجرني دبس بس
ولساني بحبك يلكلك كلك لك
وطعم صبير بفراكي كلك لك
خايب ما اريدنك كلك لك
اشو منهو ليصل بابك وعتباك
ويروحي طفله وتناغي وعتباك
الكفن لابس وامد ايدي وعتباك
وصيحن بيدك ادفني ددم دم
ويطك بعيني لو عاين ددم دم
صرتلك ماي بالعسره ودم دم
ويموتي بركبتك هذا ترادين
ويبيني وبينك اليحكم ترادين
لسانك والله اكصنه ترادين
واذا رديت بيدي اسرع لصمتك
وانه الكاتلني شمبخبي لصمتك
ظماد جروحي خليتك لصمتك
ولكن ما نفع ضمدك تفكفك
تجيني وبيدك جروحي تفك فك
دفك ياخه انت عني فك دفك فك
ملاكم والله اجيلك ولكمانه
وتذبني بنار شوكك ولكمانه
امانه الكلب يمك ولكمانه
دحفظه ولا تضعيني وهم هم
ومليت الروح بافعالك وهم هم
غشيم طلعت وياهم وهم هم
يراموك بشماته وفلسفاهم
ودليلك عنه نفسه وفلسفاهم
خساره العمر ظايع فلسفاهم
يقدر جيتك وباعك شرس لك
وبعد شيفيد مرسالي شرسلك
جبان وياي بس صاير شرس لك
تهد وجيت تكطع سمبلاتي
وبلاتي وياك صارت سم بلاتي
علي تمرگ تسمني سم بلاتي
وانه باسمك ادندن دن ودن دن
وجفوفي السددت عند ودن دن
الشفع ربك فرض وده ودن دن
وحسافه العمر مديته درجلك
تخطيته ورفع شانك درجلك
يلو اكشف حجي لساني درجلك
جبال ولاتظن لحظه يتم تم
وانه الكول وفعل لو تم يتم تم
الك روحي انه راسلهه وتم تم
انتقال حروف زنجيل البوذيه




*******************************************


بعد ما تنفع رجعتك ...


24/1/2010



****بعد ما تنفع رجعتك****


بعد ما تنفع رجعتك.....
والكلب بيبانه قفل غبشه نعسانه الشوراع والعتاب وياك طول.
بعد ما تنفع رجعتك.....
رقصه الشيطان بانت على الغدر تمثيله جانت
وبعذاب الليل عشنه وثانيه الفراك حانت
بعد ما تنفع رجعتك.....
بعد ما تنفع رجعتك والكلب قافل ابوابه
وبلع مفتاح السنين وحرم الضحكه عل نابه
وليش راجع .....
بعد ما فات الاوان وطاحت الكلمه عل شفتي وما بدر منك حنان
وكلبي بركان السوالف ما رعش مره اللسان
بعد ما تنفع رجعتك.....
والسوالف قطره سالت بالتوالي وشنهو نالت
نالت العين الرئاسه وللمحب اعدام حالت
ونادم تكلي برجعتك......
ما اريدك صفحه سوده نمحت بكتابك يكلبي
وذبلت اوراقج يروحي والعمر خلصان سل بي
وما اريده......
وما اريد اسمع حبيبه العشك ما يخمد لهيبه
والمحب ما تطفه ناره ولو طفت تحدث مصيبه
وما اريده ......
وما اريد العين تدمع غافيه بحضن الجفون وبس كلام الواشي تسمع
والخبث بيدي دفنته وما اريده النوب يرجع
صدفه حلوه ....
واللقاء اول خطوته صادف حديثه بسروته
وناسي وحشات الليالي ودك رجل هم بمروته
ودمعه خرسه ..... وضحكه ميته ....وشفه همسه .....وبوسه لمسه ....وبيها غافي ..... وما تشع للناس شمسه
وشنسه شمسه ........
والشمس دكت ابوابي بكل لهيب وما رضت اصبح غريب
وفتحت الشباج طبت شمت هدوم الحبيب
ويا حبيب......
ويا حبيب الغافي باحضان الشوارع والحزن نام عل صدره
ولولي طبله وما رضه ينام الغدر بعيونه شك الجفن خله العين كدره
وغلطه حبك.......شوك دربك ...... ابدي حربك ........شيل رمحك .....عدي كبرك. ......... بالكلب صوبني سهمك
.نزف موتني محبك
.
غلطه حبك ...غلطه حبك




*********************************************


الى من احببته ...


28/4/2010


مات من العطش ماي السمع طاريك


واذا شعت شمس من نورك انطيها



ومن تطلع حبيبي الناس كلهه تموت



حتى النار تبرد لـــــــو تمر بيها




*****************************************


ليش خنتي ...بقلمي ( محاكاة بين عاشقين )



10/12/2009



ليش خنتي ....
وكلبي ما يسمع قراري.... وبيج كلمته اعتقد
كتله اشم ريحة خيانه.... اتركهه لا تكسر كلمتي
اي ليش خنتي ....
يل رسمتي بداخل جفوفي مدينه
وصوريتي الحب مدينه وبيهه آنه وياج ليهسه شبكتي
ترك تك الحزن مني وشبكتك
وصدتني بحبل المنايا شبكتك
اهد عليك كل ظني شبكتك
اشبكت روحي الاكي بذن اديه
يلي جنت اجمل قصيدة0000 تطرز عيون الليالي
واه يل شبوي عطرج 000يا فخت حط عله كبتي
اي ليش خنتي 0000
وبينا مر ريل اليتامي0000 وكحل عيون المحطه
بلهفة جينالج ولكن0000 فرغ الريل السفاره
وعدا ما شفنه نزلتي
اي وين صرتي 0000
متاني طارشكم يمرني0000 يفزز احساسي اليتم
وهيج بيج العشره هانت 000من اركز اسمع الاه بضحكتي
اي ليش خنتي
وبعد ما كلتيلي احبك 000جلبت اني وبستني
وبس درت راسي اختلفتي0000 وخنجر بظهري زرعتي
اي ليش خنتي...
يلي جنتي بلايه قيمه 000 بلايه معنى000 بلا وجود
والوصول لظفري ياما انتي حلمتي
اي ليش خنتي 0000
وظيعيتي العمر مني0000 يا حسافه ابعيد عشتي
اي ليش خنتي 00000
وانتي مو كد الخيانه0000 العلميتي اليحب لا بد لليحب يوفيله كلتي
وانتي كلتي 000
لو ردت مره تفكر بالوداع000 راح اقدملك هديه 000من تفك بابك تلاكي امدده عله العتبه جثتي
اي ليش خنتي000
وبعدج كليبي طفل ومظيع امه0000 متاني مر ريل اليتامي ينادي للفاكد حبيبه
وصل ريل العاشقين0000 ينادي للعشاق جينا 000000بلهفه جيت انتظر جيتج
والوحيده المارجعتي ...للاسف لا ما رجعتي
وين صرتي00000
متاني جدمج من يمر حد السنابل
والارض تتبع كبوتج
خطوه خطوه
وليلو ليلو
ومن وصلت الدكه حلك الباب اجاني
وشوش باذني سوالف
كلي ( انهض ايها الفاقد حبيب)
وَركظت رجليني كبلي000 وهسه اوصل والعتاب وياج يحلى ونتحاسب
اولا ....
هيجي يجازه المحب ..لا صفني صفنه 000ورجعي سيناريو العمر وشوفي نفسج وين جنتي
وثانيا ....رجعيلي عمري المني بكتي
وثالثا....كلب اشتريتج من عرك هذا الجبين
ومن وصل دورج وصاحو جيبي يفلانه سلعتج قدميتي كليبي ليش؟
وكلت لا مو صدك تجذب ...تالي بابخس ثمن بعتي
اي ليش خنتي ...
وسمعت حلك الخيانه يريد اموت
وخظرت بعيوني دمعه من الحزن شيبت دمعتي
اي ليش خنتي ...
وبعد المكابر وطيت وصار جفني غطاج
لكن 000
بعد ما خلصتي ليلج خنجر بعيني طعنتي
يلي غبتي 0000
بلايه رجعه .,..بلايه وهواس الضمير
بيا محطات المنايا ...الخلتج تابوت اليه وبالعكس صورة رسمتي
تشوفين لشخصي طيفج نص جسم 0000ومن اشبكج اوكع بنص كبر وعليه تطبكي
همت امس بخيالج انتي وانتي
ونين اشكد اهيسه انتي وانتي
احب توم بحياتي انتي وانتي
واذا غيرج احب هم انتي هيه





.******************************


احلم تعود


21/6/2010


الى من احلم بعودته دائما .......... فهل سيعود ؟


***** احلم تعود ****

اتيتك في سرابك قد اتيت
وجئت اليك فنظر قد اتيت
من الحب قلن قد اتيت
فلحن الحب فيها زاد فيه
انت وحدك تيهت عدنا البحور
وانت اسمك قافية اوزاني
وانت كلك بيه صاير من زمان
واني من اشتاك احظن اني
والله لو رديت لفرشلك دموع
وما اخلي بعيني دمعه اتاني
والله لو رديت لكتبلك سطور
لما توصف ايدي بعد لثاني
والله لو رديت لذبح ماتعود
الجانت وياي تزيد احزاني
والله ما انساك مو جيفن حبيب
والله عايش حتى في نسياني
وانت لو كال الشعر عنك قليل
يعني انت بمختصر ديواني
خلي بيدك كلبي لمتاني سنين
تلكه وحدك بيه ما تلكاني
يل بدونك جن احس روحي غريب
بلا وطن عايش بعد شمتاني
متاني جيتك يل خذت عكلي الوحيد
بس افكر لحظه بيك انساني
رغم انك عني ساكن مو كريب
بس احسك ساكن بوجداني
يل خذيت الشوك يمته احلم تعود
وتذبح الوحشه الغفت بحظاني
جيت شاعر بس ردت منك شعور
بس دكلي شبيك ما تهواني؟
يالله درجع والله مشتاك لهواك
يشابج الماضي ويرد حرماني
بدربي لو مريت تعرفني اكيد
شخص فارش بسطه بيهه اقراني
مات شخص الناطرك ذني السنين
وع الكبر اسمك تجد عنواني
اتاني بلهفه شوفه ميتاني
مثل ميت يتاني ميتاني
بعد شتفيد جيتك ميتاني
اظل للاخره انطر تمر بيه




*************************************************


خطيت اشوفك حلم .... الى من يهمه الامر


15/2/2010


الگمر شفته امـــــــــــــــــس

چذبت گتله شمــــــــــــــــس
وبصوت مرني همــــــــــس
مذبوح طير العــــــــــــــشگ
شلته وچفوفي بچــــــــــــــت
لن الجرح لامســــــــــــــــت
بلسان ميت حچــــــــــــــــت
والگبر بيهه طبـــــــــــــــگ
والحسره نامت طـــــــــــــفل
بالصفنه خلت قــــــــــــــــفل
مفتاحه يعني جــــــــــــــــفل
من لاحه خيط الفــــــــــــرگ
چم اه بينا غفــــــــــــــــــــت
وبنار شوگي طفـــــــــــــتــت
مالحظه اذكر طفـــــــــــــــت
كل ساعه شب الحــــــــــــرگ
والدمعه نامت قهـــــــــــــــــر
بعيوني ماظل سهــــــــــــــــر
مد رجله ليه الدهــــــــــــــــر
عثرني بال الخلـــــــــــــــــگ
بالحلم شفتك حظـــــــــــــــــن
مثلت دور الابــــــــــــــــــــن
ودعت گلت الحــــــــــــــــزن
شفتانه فرحي غـــــــــــــــرگ
ومشت رغم الالـــــــــــــــــــم
والذات اصبح قـــــــــــــــــــلم
خطيت اشوفك حـــــــــــــــــلم
ون باب گلبي يــــــــــــــــــدگ
گال الك عمري شـــــــــــــــذر
وياك ابقــــــى حـــــــــــــــــذر
طشيت روحي بــــــــــــــــــذر
انبتلــك آنـــــــه حلـــــــــــــــگ
حتى اشهگ بريحتـــــــــــــــــك
حتى اشعر بلمتســــــــــــتــــــك
حتى اركض بضحتــــــــــــــــك
وچــــــماله عينك زرگــــــــــــــ
وشفافه سكرت ثــــــــــــــــــمل
لم بيهه كل الشــــــــــــــــــــمل
ســــاره وعبير وامـــــــــــــــل
چن ماســـه تبرگ بـــــــــــــرگ
سافرت يمـــــــــته تـــــــــــــــرد
صيف انت وكت الـــــــــــــــبرد
لو يسئــــــــلوني شـــــــــــــــرد
من يملي گصتي الـــــــــــــــعرگ
شـــــــــعرك يمثل جســـــــــــــــر
فارس ركب ع الخـــــــــــــــــصر
بيك انت حقق نــــــــــــــــــــصر
وعلگهه بيــــــــهم علــــــــــــــگ




*********************************************


وقتبسلك ...


16/7/2010


حان الان موعد وقتبسلك

الشعر اجمل معاني وقتبسلك
اچتف وقتي بعدك وقتبسلك
وزيدن بالوقت من تمر بيه




************************************************


دمع الايتام ...دعوه الى المسؤولين ...على لسان ام الايتام ..


25/7/2010


( قصه حقيقيه )

امرءاه فقدت زوجها في بداية احداث الحرب على العراق ولم يبقى لها معيل
الا ابنائها الاثنين واطفالها الباقين وحيث لم يبرء جرحها ودموعها على زوجها
وبعد مده قليله فقدت ابنائها بأنفجار بعد
ان كانو يطلبون رغيف العيش في احدى الاسواق الشعبيه..... حيث طرق الباب
عليها واذا بأبنائها موضوعين في كيس وهم عباره عن اشلاء من اللحم
ولم يبقى لها سوى الاطفال الرضع حيث عاشت ولم توطئ راسها لأي شخص
مخلوق فأخذت تدندن وتخاطب ابنها الكبير العراق وابنائها المتناثرين



شوكت تمرگ منايانه يتامى
وطويله الظحكه ما مرت يتامى
العراق انگلب بالكامل يتامى
وشعر بس لليتامى تخط اديه
تانيت الوطن من سافر وي الريل
حمل دمع اليتيمه ودم المعرسين
ولبسنه المستحه وصلينا ركعة خوف
من شفنه الجثث گامت تشيع الطين
خورسنا الوكت ما شفنه عدنا حلوگ
بس وكت النواعي انشوفهن حلگين
وگدرنا الفرات وشفنه ام اهناك
ترفع بالجثث وتنادي راح الزين
ما شفنه وطن هلگد يخاوي الموت
گوم انهض ييمه ولاوي هذا البين
ودگت بابي طفله مچتفه الايدين
وبنظرة حزن تذبح گلب سچين
كل ضني اعتقال ومن افك لچفوف
تحمل صورة امهه بفي البساتين
من چان النخل يتغازل ويل الطير
هسه الطير عدنا يغازل الميتين
فصلنا المزامط عل الخلگ شفناه
يكتل بلسلام ويحچي بسم الدين
وزرعنا حلوگ من شفنه الحصاد اليوم
سله انتاگ ما ظل باثرها التين
انهدم لعراق وسفه ماتبونه
وعلت صوت النوايب ماتبونه
بعدنا اصغار يمه وماتبونه
وبعدها الخبزه حسره اتكظهه اديه
ملينا الجثث مل منا حتى الموت
وملتنا المگابر ونبح صوته
وصل بينا الزمان انگص وصل للموت
نحجز گاع النه ونحسد الموته
مو صعبه العراقي يطيح وسط البيت
بس صعبه العراق يطيح وسط اهله
ولا صعبه لبارز حفنة امعفنين
بس صعبه ليخون الوطن مو سهله
گبل عدنا ليموت الناس تبچي اعوام
وهسه الاخو ميت نرگص بصفه
ماشيت المگابر من شفت ع الگاع
راس بلايه هامه وشالته الچفه
( دللول الولد يمه دللول )
اريد وياي تحچي وادري مكتول
راس بلايه هامه شلون مشيول
ع التابوت بس الراس محمول
ولان عدنا المگابر قبطت بالموت
رسمنا المگبره بنص ورقه ودفنه
وخويه المات گام من الگبر تبديل
خله بگبره جثه ملطخه بحنه
انهدم سور الليالي عاد ابنه
نقدم الماكو للام عاد ابنه
ابنه المات سكته عاد ابنه
وحمل چلمات ضد الطائفيه
هذا حالنا ..........ندعو لهذه الام بالصبر والسلوان
فهو الباب الذي يوصلها الى طريق الجنه
وان يصبرها على هذه المصيبه ...انا لله وانا اليه راجعون




**********************************************


سيف الوكت ....حال العاشقين في هذا الزمن


25/4/2009


سيف الوكت


أبعيد عني صرت ... وين الگه مثلك ترف



خطوات جدمك تهت ...وين انت كلي رحت



دليني لو لا بحرف



يل لذتك بالگلب ... حنظل لچن بي طعم



والكلب بسمك حلف



يامن علي صعب ... هجرانه مو بالسهل



ولفي ابتعد يا ولف



جرحي انتفض وانتخه .... من شاف بيك الجرح



مد ايده جرحي ولف



وشهگت عيني نظر ... من شافتك اگبلت



والگلب نبضه وگف



يل بيك ظاع الصدگ ... ظيعت دربه خَلف



وبيا زمان اندلف



ظلمه وحرب ولعشگ ... ما يدري دربه وگف



شاف الحبيبه تزف



والعين هونت عليَ ..گال چذب شفتلك



بس شفت دمعي نزف



عل الوجن دمعي نزل ... سوه طريقه رحل



من شاف حالي تلَف



يا روحي ظلي وحدچ ... المن بعد ياهو الچ



خلصتي عمري رجف



بيبان عمري خشب ...بسمار وكتي يدگ



زرف اجدامي زرف



ومظيت رغم الالم ... ومكابر وما طحت



ما كلت ابدن اسف



( كلمن مشه لحالته )... شما صار دربك عثر



جيت اعتنيلك زحف



چفك بديه لزم ..... امنت كلت انته لي



تالي تذبني بنهر



تاخذ وياك الجــــــــــــــــــــــــــــرف



غرگان بمحبتك ... من گلت الك غرگان



چذبني نهر وجف



وياي وكتي قسه ... وحظي ابد ما عدل



خلصت دمعي نشف




وباب شفتك طحت ... عمري بحزن دگ الك



والحزن بيه خلَف



وابن الحزن ما رضه ... يعيش وي غيري ابد



سكنت كل السلف



وهدرت لجله العمر .... خايف يموت بوكت



سلمته گلبي بظرف



وندار بيه الوكت ...ردت آنه منه گلب



جـــــــــــــــاوبني والله كلـــــــــــــــــــــــف




***********************************************


برلماني *** هل ستشكل الحكومه بقلمي


3/8/2010


الاماني بحيدة تشبج برلماني

ولا جف ليمدلي برلماني
العراق اليوم كله برلماني
ولا كرسي لبقه بنص بيتي ليه




*************************************************


ابوذيه رمضانيه...بلساني


2/9/2010


وحك رمضان وفطوره ولمساك


وتطيب الروح من شوفك ولمساك



صباح الخير ما كتلي ولمساك



ولا مره اسئلت يسمر عليه




**************************************************


طور جديد في كتابة الابوذيه بطور غنائي


10/8/2010


نسو تاريخ حبنا بس تعالو

ندم كلمن يبوسه بس تعالو
جبت كل عمري اصيحن بس تعالو
ولو اجيتو جفوفنه انحنيهه ****




وذيجي جلمات المحنه بالي ما ناسيهه

عتك ثوب القصيده وماكو جيه





**************************************************


الحزن ...


14/7/2010


الحزن لو حاز حزني ما يحزني

وحزين الحزن حزني ما يحزني
حزت الاحزان حزنك ما يحزني
حيازه الحزن حزنك حزنه بيه




**************************************************


صفنتك ... الى من لا يهمه الامر ..


25/7/2010


اطيور العشگ يل تنشد صفن تك


وحبيبي الله شگد حلوه صفنتك



ونين الفرگه من شفته صفنتك



يل تنشد علل الگال هاي البوذيه



ميت سبب فرگاك خطتها اديه




**********************************************


فلسفة شاعر*** واقع حال لمن يمزح مع الشاعر


10/8/2010


السلام عليكم احبتي القصيده كتبت عن قصه واقعيه بعد ان قال لي احد الاخوان انت لست بشاعر وكان يمزح معي

فأحببت ان اكتب له قصيده بعنوان فلسفة شاعر (( الرجاء الانتباه البيتين الاخيرين اخاطب الانسان الذي كتبت له
القصيده هوه المعني فقط وليس تكبرا او غرورا ولكن على الناس )) فأرجو منكم ان تعذروني فليس هذا طبعي ..




فلســـــــــــفة شاعـــــــــــــر



عاين ع الدرب خاف اعمى عين البال
واحرث گاع فكرك وازرع افكارك
وحرث گاع عينك وازرع انت النوم
وعلى چف الدرب تلگه انت تذكارك
امشي بلا جدم حتى الجدم ميدوس
اعله عاگول الفكر تنفضح اسرارك
وافرش گاع ليلك وازرع انت انهار
ظم ليلك بليلك وبجفن دارك
واعلن شمس صوتك واعگد انت الليل
وخل انجوم ظهرك تذبح انهارك
جرح ابلا الم ما يسوه تلهج بي
خيط حلگ جرحك تخلص اعذارك



گلب كلمن يحبك ما شبع دم
وحس شخصي منشوفك ماشي بعدام
طفل صرت بغيابك ماشي بعدام
والم فكري ولكن طيفه ما لاح ( الابوذيه الصيحه)
اصيح وما طلع من صوتي لصياح



فك باب الجرح تلگه انت صدگ بي
هوايه جروح لكن انت ما محسوب
ماحسبك جرح غلطان ان ظنيت
حالك حال جرح ابلا سبب مكتوب
نزف صوت الخلگ كذله وشليلة راس
شيب نظر عيني وانت ما رديت
ورسم جدمك جبل ما ينظر علل الغير
وحلفنه الله تعده وانته ما عديت
اشرب ماي وجهك تلگه حلگك ذان
بي چف الفجر يذبح براس الليل
والزم باب طيفك سده بالصفنات
كحل عين سچتك من يمرها الريل
شاعر من اگف تصفگلي كل لچفوف
وتصيح الله غصبن عنك بهايه
جبل طبعي يظل ميهمه ريح الغيض
وحچيلك بعد لو ترفع الرايه ؟



الك خنجر اسن روحي ولك سيف
ولسان الماي ما يكسف ولك سيف
عليه اتگول مو شاعر ولك سف
اشمرت صرت لساني بنص بوذيه




***********************************************


لاتعتب بعد ...


13/3/2011


( لا تعتب بعد)


لاتعتب بعد مالك جذر بالروح
لان دربك طويل ومنذبح سكته
وانا گد مامشيت ودوريت عليك
طلع شيب بخطوتي شلون ماشفته؟
اگلب بالفكر واعرف طريقك تاه
كل غايب رجع بس ما رجعت انته
ادور بالحلم طيف ليبيع اسنين
حتى اشري السنين المن گبل عشته
وشل دمعي منك وين الاگي ادموع
خليت الصور تبچيلكم وكته
بعد صوتك دگلي منين اجيب الصوت
نغم فيروز صوتك هيه بايگته
وابلتك انت لئيتك بتغير كل حياتي
ام كلثوم هاي اعليك غنتّه
گظيت اسنيني اغني بليل المتيهين
واعرف ما ترد بس ما گلته بعته
يل بايگ سوالف بيه وعدك چان
لوعفتك تأكد گلبي چفنته
عله اوراق لشجار بأيده خط اعهود
ماحسبت باچر توگع أورقته
وعلى ابوابي شفت شايب يدگ الباب
هذا آنه الذي بكل حيل جاوبته
ولكن ما عرفته وشكله موش اغريب
انا جروحك كبرت وشايب لجبته
عبر وكت المعاتب تهنه بين اثنين
لو يمته ترد لو هم ترد يمته
تعال وخل اشبگك شبگة المجنون
لعاش بلايه هم وما دره بعلته
تعال ومستحاتي وياك عشگ الباب
العشگ چف الحبيب وينتظر دگته
ونطرتك ع الگناطر حتى لو مريت
اخذ گلبي ذاك المن گبل بگته
واتاني شكد بقيت بشيبي طگ الراس
الاخرس ميحچي بس تنسمع ونته
صوت الموت اسمعه بحچي لحديثات
حچي الماتحبه من الحلگ شلته
خظر دمعي صوره وچان وجهك بي
مو ذاك لنعرفه الفرگه ذابحته
لاتعبت بعد شخصي لنعرفه انساه
مونفسه الغشيم الي گبل خنته




********************************************
آخر مواضيعي

0 أشوفݘ صفنتي
0 اجمعني بيدك
0 هي امي
0 شح ماي العراق
0 قصيده

    رد مع اقتباس
قديم 17-07-2011, 04:16 PM   #2
»»--(¯`أم جــهــاد´¯)--»
مشرفة مجازة
 
الصورة الرمزية شمعة بغداد





 

معلومات إضافية
المزاج : مشغولة
  المستوى : شمعة بغداد is a glorious beacon of lightشمعة بغداد is a glorious beacon of lightشمعة بغداد is a glorious beacon of lightشمعة بغداد is a glorious beacon of lightشمعة بغداد is a glorious beacon of lightشمعة بغداد is a glorious beacon of light
  علم الدولة: علم الدولة: Iraq
  الجنس: الجنس female
  الحالة :شمعة بغداد غير متواجد حالياً

افتراضي

الله الله

تسلم يمناك اخي الحاج على جلبك الرائع

وحقيقة هذا الديوان شي رووووعه

تسلم الايادي الي كتبتها


تستطيع أن ترى الصورة بحجمها الطبيعي بعد الضغط عليها

الأنبار لن تنكسر بإذن الله
آخر مواضيعي

0 من جماليات اللغة العربية
0 مجزرة الطعام بين رد قلبي وشمعة بغداد
0 كباب الباذنجان / تبسي الكفته
0 ردى قلبي فاتك الغده اليوم
0 لوحات ابداعيه

    رد مع اقتباس
قديم 18-07-2011, 02:17 PM   #3
الحاج ابو مروان العلواني
مشرف منتدى الشعر العراقي
 
الصورة الرمزية الحاج العلواني





 

معلومات إضافية
المزاج : مبسوط
  المستوى : الحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant future
  علم الدولة: علم الدولة: Iraq
  الجنس: الجنس male
  الحالة :الحاج العلواني غير متواجد حالياً

افتراضي

اقتباس:
المشاركة الأصلية كتبت بواسطة شمعة بغداد مشاهدة المشاركة
الله الله


تسلم يمناك اخي الحاج على جلبك الرائع

وحقيقة هذا الديوان شي رووووعه


تسلم الايادي الي كتبتها
شكرا لك ابنتي الفاضله على هذا الرد الجميل والمرور العطر والشاعر احمد يستحق الثناء وجميع شعراء المنتدى الاكارم
آخر مواضيعي

0 أشوفݘ صفنتي
0 اجمعني بيدك
0 هي امي
0 شح ماي العراق
0 قصيده

    رد مع اقتباس
قديم 18-07-2011, 06:57 PM   #4
ابــو احــمــد الجغيفي
مشرف مجاز
 
الصورة الرمزية عبدالله محمد رشيد





 

معلومات إضافية
المزاج : مشغول
  المستوى : عبدالله محمد رشيد has much to be proud ofعبدالله محمد رشيد has much to be proud ofعبدالله محمد رشيد has much to be proud ofعبدالله محمد رشيد has much to be proud ofعبدالله محمد رشيد has much to be proud ofعبدالله محمد رشيد has much to be proud ofعبدالله محمد رشيد has much to be proud ofعبدالله محمد رشيد has much to be proud ofعبدالله محمد رشيد has much to be proud of
  علم الدولة: علم الدولة: Iraq
  الجنس: الجنس male
  الحالة :عبدالله محمد رشيد غير متواجد حالياً

مرور ومشاركة الحاج العلواني00لنشره نتاج الشاعر أحمد وهبت00


الى000الاخ الرائع الشاعر الحاج أبو مروان العلواني000

أجادت يمينك00حيث أكرمتنا بنجم لامع00أضفته الى أعلام منتدانا الراقي00
نجم شاب00لامع00أجاد نظم الشعر00شاعر نفحنا بشعره اللطيف00ذلك
هو الشاعر الشاب أحمد وهبت00
شكرا لك وانت ترفدنا بنتاج شاعرنا الشاب00
هنيئا للشاعر الموهوب00بما نشره لنا الحاج العلواني00
مع فائق تحياتي00


نقرتين لعرض الصورة في صفحة مستقلة

بعض الانامِ يرى الحقيقةَ مرّةً 00 فيفرُّ منها مطبِقاً عنها الفمـــــا
وانا اراها مرةً فألوكهــــــــــا 00 كي اغتذي منها وان تكُ علقمـا

آخر مواضيعي

0 عودة واعتذار ..
0 قصيدتي بعنوان // بعد شاصبر ؟؟ //
0 قصيدتي بعنوان // مقامك يااا وطن ...// مهداة لكل الوطنيين الشرفاء ..
0 قصيدتي بعنوان // أفتحلك الباب // ...
0 قصيدتي بعنوان // هااا ياا وطن // الوطن الذي ضاع ..

    رد مع اقتباس
قديم 18-07-2011, 07:51 PM   #5
الحاج ابو مروان العلواني
مشرف منتدى الشعر العراقي
 
الصورة الرمزية الحاج العلواني





 

معلومات إضافية
المزاج : مبسوط
  المستوى : الحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant futureالحاج العلواني has a brilliant future
  علم الدولة: علم الدولة: Iraq
  الجنس: الجنس male
  الحالة :الحاج العلواني غير متواجد حالياً

افتراضي

اقتباس:
المشاركة الأصلية كتبت بواسطة عبدالله محمد رشيد مشاهدة المشاركة

الى000الاخ الرائع الشاعر الحاج أبو مروان العلواني000

أجادت يمينك00حيث أكرمتنا بنجم لامع00أضفته الى أعلام منتدانا الراقي00
نجم شاب00لامع00أجاد نظم الشعر00شاعر نفحنا بشعره اللطيف00ذلك
هو الشاعر الشاب أحمد وهبت00
شكرا لك وانت ترفدنا بنتاج شاعرنا الشاب00
هنيئا للشاعر الموهوب00بما نشره لنا الحاج العلواني00
مع فائق تحياتي00
شكرا لك استاذي الفاضل رعاك الله وانت تسجل اروع واجمل الردود وشاعرنا الشاب احمد يستحق ذلك الثناء والتقدير ونيله هذا الديوان الذهبي وكنت اتمنى ان يشاركنا في الردود على محبيه مع خالص حبي وتقديري لك وللشاعر احمد وهبت
آخر مواضيعي

0 أشوفݘ صفنتي
0 اجمعني بيدك
0 هي امي
0 شح ماي العراق
0 قصيده

    رد مع اقتباس
إضافة رد

العلامات المرجعية

أدوات الموضوع ابحث في الموضوع
ابحث في الموضوع:

البحث المتقدم

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +3. الساعة الآن 03:10 AM.

Powered by vBulletin® Version 3.8.5
Copyright ©2000 - 2019, Jelsoft Enterprises Ltd.

إستضافة مؤسسة أهل الأنبار

للتسجيل اضغط هـنـا