هل تواجه مشكلة في تسجيل الدخول ؟ اضغط على الرابط التالي لطلب المساعدة الفورية

https://m.me/100003916609305

العودة   منتديات أهل الأنبار > ๑۩۞۩๑ منتديات الأسرة والبيت ๑۩۞۩๑ > منتدى المغتربين والهجرة

 
معلومات الموضوع
إختصارات
عنوان الموضوع
عنْ شَعّب وذات الحكاية ..!
مشاركات
16
الموضوع التالي
« الموضوع السابق | الموضوع التالي »
الأعضاء الذين يتصفحو الموضوع
المشاهدات
4831
كاتب الموضوع
أنمآر
إضافة رد
 
أدوات الموضوع ابحث في الموضوع
قديم 01-11-2019, 10:53 PM   #1
عضو ذهبي
 
الصورة الرمزية أنمآر





 

معلومات إضافية
المزاج : حزين
  المستوى : أنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond repute
  علم الدولة: علم الدولة: none
  الجنس: الجنس male
  الحالة :أنمآر غير متواجد حالياً

افتراضي عنْ شَعّب وذات الحكاية ..!





قبل ما أحجيلكم عن قصة هذا الشعب ..

أولاً : خلّ أنشوف منو هو نيكولآي ..56 ( او نيكولاي تشاوشيسكو ..

هو رئيس جمهورية رومانيا 1965 - 1989
- ولد عام 1918 من عائله فقيره .. ماكدر يكمل دراسته الابتدائيه ..
- من صار عمره 11 سنه شاف الشغله تعبانه بمنطقته ,
والناس كلهه عاويه , لاشغل لاعمل ,
فسافر للعاصمة بوخارست وأشتغل بيهه أسكافي ..
وهناك ألتم عله شلة شباب سرسرية

- بعد 3 سنوات ذول الشباب ومن ضمنهم تشاوشيسكو .. شافو مظاهره طالعه وطبكو ويآهم ..
( وهمه لآ بيهه ولآ عليهه ) .. !!
أجت ألشرطة وكرفوهم كلهم وذبوهم بالسجن .

- بالسجن ألتقى بالزعيم ألأشتراكي ( جورجيو ديك ) وبقه وياه سنتين " أتعلم منه مبادىء
وأصول الحزب ألشيوعي "ومن ضمن هاي المبادىء توحيد الامم الاشتراكية تحت شعار ..
( أمة شيوعية واحدة ... !!)

- ألبخت .. !
بفترة السجن أحتل ألأتحاد السوفيتي رومانيا
وطلع كل المساجين ..
وأعتبرو تشاوشيسكو وجماعته مناظلين ( ومسجونين سياسيين ..) ودمجو برتبة عميد بالجيش الروماني !!

- عام 1965 الزعيم ( جورجيو ديك )
مات بظروف غامظة منعرفهه !!! وصار تشاوشيسكو هو ...
زعيم الحزب الحاكم ..
ورئيس الجمهورية
ورئيس مجلس العموم ..
ورئيس وزراء ...
ورئيس اتحاد الكرة ..
ورئيس غرفة التجاره
ورئيس اتحاد نقابات العمال ..
ورئيس جمعية الر فق بالحيوان
ورئيس رابطة جهآل الرومان ..
واخيرا..
القائد العام للقوات المسلحة .. الرومان

وطلعت الوادم تدك وتهتف ..!!
by spirit with blood we‘r redeeming oh ceausescu
( يعني .. بروح بالدم نفديك يا تشاوشيسكو..
أو بمعنى آخر
........ how wonderful you are، sir
شكد أنتَ رائع سيدي
والعزيز انت.... بالروماني
والبحر عطشان منك شرب ماي .. !!!

ولان الحاكم ..اجلكم الله ...( مطي ) كما اسلفنا ..
والشعب ( الروماني ) من الشعوب اللي تنتهج مبدأ
( معلينه , وشعلينه ، واحنه شنو , ومالنه علاقه , والسبع اللي يعبي بالسكله ركي ,
واهم شي الستر والعافيه .... !!!

تشاوشيسكو لعب بيهم طوبه ..
فقر , قهر , ديون , تقشف , حصار..
تعيين ماكو , كهرباء ماكو , بطاقه تموينيه ماكو , اصلاح ماكو ،
تعليم صفر , خدمات صفر .. ميزانيه صفر ....

عربنهم .. هذه التشاوشيسكو
ضيع فلوسهم على نزواته ...
مهرجانات" قصور "سلاح " مؤتمرات ، أعياد ،
وتلكي لو يكيت" عالممثلين ..!!
لو يبني كنايس،ومستشفيات، ومدارس بغير دول.. (..عله هآ" شوفوني !
ويحب يطش بروس الفقره "!!

وكل هذه ما خلصان الشعب الروماني من اللغوة مالته ..
جان بس "يّهذيّ" ... !
أني راح ادمر روسيا ...
أني راح احرر الشيشان "
آني .. و آآ ....
كذااااب ..!! لا هو اللي ضرب روسيا "ولا هو اللي حرر الشيشان !!
ثبت للشعب الروماني فد واحد فارغ... !

بس مادخل بحروب ... !!
( مو عاد .. الله فوكانه. والواحد يحچي ضميره
يمكن لأن الرجل ما كآن يؤمن بنظرية (الأهتزاز الجزيئي للشوارب ) .. !!

ولكن الناس من كد الضيم اللي شافوه طكت ارواحهم
كامو يكتبون دارميات بالروماني ...
( لاكهرباء لاماي لاعيشه زينه ,ومنك يشاوشيسكو غسلنه ادينه..) !!

-ضل هذا الوضع 24 سنه ، بس (!)
ناس اما جهله او مستفاده من تشاوشيسكو تدافع عنه .. !
وناس ماكله وحل من سياسته الي ماانزل الله بها من سلطان )..
وتريد الخلاص منه ..
( والسلمية # ويه لمايخاف الله ما جيب نقش !!.. واذا ظلو عله هاي الحاله راح يصيرون بالحضيض ....
مثل ( البعض !!

- هنا قرر الرومان ان يتخلصون من تشاوشيسكو بنفسهم أحسن ما يجي الغريب ويخليلهم
بدل التشاوشيسكو ..( تشاوشيسكات هواااي
... (نسخ معدلة جينياً من حيث العمالة والنذالة بمصانع "اللي ما تتسمه" .. !!

مثل ما صار وي ( البعض .. !!

لهذا وصلو لحد كالو بيه ( كاآآآآفي ) ...وطلعو بـ (هاشتاك # لعبت نفسنه منك ) !
ولزموه هو ومرته وعدموهم "..
ونعلو ابو اليوم الاسود اللي شافو بيه ( تشاوشيسكو وين ماكو واحد مهتلف وياه .. ؟؟!!

- طبعاً روسيا حطت نفسهه ..
وراحت لملمت من الشوارع وين ماكو واحد ..(حافي"مسموم " دايح " وسّخ "منحط ..
معوق نفسياً "مشوه خُلقياً "مريض فكرياً ..
حاقد " ناقم " ساخط ...عالرومان ..
اللي جان يبيع سبح "
واللي مهووس بالدريلات "
واللي جان بمصح للأمراض العقلية .. و psycho فدّ مرهَ
واللي مقفص عله مصرف وطافر..
واللي مخلص دبلوم مفخخات ..!
وااللي عنده أمتياز كاتم

يعني لملوم ..
يعني.. (... bad guys )
يعني "شلة خايسة بالروماني ".. ومشكولين الذمة شلع ..!!!!

- وكما اسلفت ..
بعد ان اجت روسيا ودكت صدر ..
كالت للرومان: اني عندي اليحكم " واللي راح يقودكم
لبر الأمان ..
ناس معدله " تكنوقراط "يخافون الله ..
ما يمدون ايدهم عالحرام .. ابد ... يستحرمون ....
ويستحون بعد !!
دافعهم الوحيد .. أعمار الوطن" حماية الوطن " أستقرار الوطن
وكل الولاء للوطن ..!!
مو لدول مجاورة ..!!

بس الشعب الروماني فهم اللعبه ...
مو مثل ( البعض ..!!
وكال كلمته الروسيا ..not your business..
يعني ..( مالج شغله بينه" اطلعي منهه‘‘ واحنه نبني البلد وما نريد أي واحد عميل الج ..!

- وهسه ...
روح شوفهه الرومانيا ... (تخبل ..
خمط ماكو " برلمان خمط ماكو " الخمط نفسه ( كمصطلح محلي!..مآكو
احزاب ماكو ،
ميلشيات ماكو ، عصايب ماكو ، ماكو ، حشد روماني ماكو "

هآآ.. وطائفية ماكو ..

مال تطلع نائبة تهدد : أذا ينكتلون سبعه كاثوليك مكانهم سبعه بروتستانت !! ..
(... يعلكَوهه بسآحة بوخارست !!

- الشعب تغير وآمن بالراديكالية للأفضل ..
ترك اللواكه واللطلطه.....
الجريذي يسو اسد ..!
والحرامي " مرجع ديني ..!
والتافه " رمز ..!!

واخذ دماغ المواطن الروماني يتنفس " ويصحصح ..
و يشتغل شويه ..شويه
ورفع شعارات العقل والمنطق ..
مثل
شبعنه نحترمك "
ما دبرهه شوفنه عرض اجتافك
وما ألنه علاقه بالجوار ولآ بغير الجوار ..
تعاركت دولتين ..!! عسه نارهم مآكله حطبهم ..
ومن اين لك هذا ... ؟ لا اسمط جدك

يعني شعارات من هذا القبيل.. !!

والرئيس الروماني يجي دورة سنتين وبأشراف دولي وجار عدل
بس ينعثل الله وكيلك يهفو أميت أنـ ..( One hundred slippers...

- وبده هالشعب المظلوم يشوف الخير ..
واليعشكَ التمّن "يعشكَ التشريب مع كل هذا الوعي الحضاري ...
ولهذا فقط ..
صارت المناصب تعطى وفق الاستحقاق العلمي والتدرج المهني "
ونزاهة اليد ...

ما ظلت..
ملكَلّك تنصبه العشاير .. ( رئيس هيئة تشريعية ...!!!!
والسنفور .. ( قنصل ..!!
والرادود بكنيسة.. ( وزير للتعليم العالي!!!
والخاتل بزوية يفتح قاصات ... (رئيس وزراء ..!!؟

لا.. !!
كل هاي الكلاوات تخلص منهه الشعب ..
عافو الركَص " والتطبيل " وعيسه ويآك عيسه !!!
وعافو التطرف "
والعنصرية "
والدونية"
والثارات"
و المظلومية
عرفو هاي السوالف ما توكل خبز ..
سوالف تعبانه ..
سوالف تضحك العالم عليهم
سوالف ما تخدم الا عدوهم ..
عدوهم وبس ..!!
عدوهم ذاااك البعيد " وهذا اللاطش بالجوار ..!!
اللي اثنينهم وره الستاره حبايب " وكَدام الغشّمةَ أعداء .





مما راق لي








آخر مواضيعي

0 نُسـخةٌ منه الـى سـلة المهـملات
0 هـمهمة بين ازقـة السواد
0 عنْ شَعّب وذات الحكاية ..!
0 نـِسـآءٌ خـُصِـصـَّنَ لِلـصـَبرّ ‘‘
0 سَلآميْ لَكِ أشبِيليَةٌ أُخرىْ

    رد مع اقتباس
قديم 18-03-2020, 10:02 PM   #2
عضو ذهبي
 
الصورة الرمزية أنمآر





 

معلومات إضافية
المزاج : حزين
  المستوى : أنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond repute
  علم الدولة: علم الدولة: none
  الجنس: الجنس male
  الحالة :أنمآر غير متواجد حالياً

افتراضي

رسالة الى كورونه ..

اولا السلام عليكم حبيبي الغالي اخبارك
سمعنه وشفنه شمسوي بأيران .... ( هآي شنو أنته.. ( فلك

عموماً جزاك الله خير وبجهودك الطيبة
وما تكَصر و well done .... ( يعني عاشت أيدك

بس يعني
8 ملايين واحد لهسه مو كافي

وأنآ على يقين تماما بأنكَ سوف تسألُني .... ( شكد تعدادهم لعد ... ؟؟
شوف ...
همه 81 مليون terrorist
حتكلي ابقي مليون ....راح اكلك ما سوينه شي

فـ رحمة ل DNA مالتك ...بداعت كل كرموسوم غالي عليك
....( امشي عليك فايروسات الدنية كلهه
لا تخلي منهم طير
فدوة اروح للصنعك شوف بيآ مختبر سري .. شد حيلك عليهم قبل ما جماعة ترامب
يلكفون الكود مالتك وتنكلب دوه
تره اتكالنه عله الله ثمه عليك

وعيونك
Believe me ....
من سبع تالاف سنه لحد هسه هالعراق ضيع ماله وصحته من وره هالجاره ....
خو ما اعدلك شكد نفايات بشرية شمرت علينه لليوم

جم دوب هآ ...... لا والله
لقد ملينا
هل ننتظر أن يأتينآ مثل سعد و القعقاع.... تره غسلنه بقاصر
الله وكيلك بعدهم ما أجانه واحد بي حظ
أنظر ..
وهاي شوفت عينك
لو خبل لو حرامي .... لو حرامي لو خبل ... ( لو العينتين أثنينهن سوه

فعفيه عليك كورونه روح والهوه بظهرك
اشتغلهم بوبجي
رعب ..
رامبو اريدك
الـ Avengers بكل اجزائه ......( Predator هم ميخالف

بالمناسبة هذه العراق...( يسلم عليك
ويكَلك : ليبن عمي هالله هالله بأهلنه..
لم جماعتك بس بايران لتخلينه نتخارب ‘‘ تره البينه مكفينه من وره ذيول ( رهبر) وعزازه .. !

فما اوصيك يا كَصير العمر
بعد أنته وهمتك ...


نقرتين لعرض الصورة في صفحة مستقلة

آخر مواضيعي

0 نُسـخةٌ منه الـى سـلة المهـملات
0 هـمهمة بين ازقـة السواد
0 عنْ شَعّب وذات الحكاية ..!
0 نـِسـآءٌ خـُصِـصـَّنَ لِلـصـَبرّ ‘‘
0 سَلآميْ لَكِ أشبِيليَةٌ أُخرىْ


آخر تعديل بواسطة أنمآر ، 29-05-2020 الساعة 09:58 PM
    رد مع اقتباس
قديم 18-03-2020, 11:49 PM   #3
مشرف منتدى الشعر
 
الصورة الرمزية الشاعر يوسف الذهاب





 

معلومات إضافية
المزاج : مبسوط
  المستوى : الشاعر يوسف الذهاب is a splendid one to beholdالشاعر يوسف الذهاب is a splendid one to beholdالشاعر يوسف الذهاب is a splendid one to beholdالشاعر يوسف الذهاب is a splendid one to beholdالشاعر يوسف الذهاب is a splendid one to beholdالشاعر يوسف الذهاب is a splendid one to beholdالشاعر يوسف الذهاب is a splendid one to beholdالشاعر يوسف الذهاب is a splendid one to behold
  علم الدولة: علم الدولة: Iraq
  الجنس: الجنس male
  الحالة :الشاعر يوسف الذهاب غير متواجد حالياً

افتراضي




شي ممتع جقا
ولكرونا قوله


لمٰ آكنْ أنا ،،،،هذا بأختصار

إعذرني إنْ كُنتَ قادرًا

آخر مواضيعي

0 الانسان هو الثروة
0 سجال ماني الغربة
0 سجال للغربة
0 عتابة عماميض
0 نايل ملتقى الغربيه

    رد مع اقتباس
قديم 24-03-2020, 07:51 PM   #4
عضو ذهبي
 
الصورة الرمزية أنمآر





 

معلومات إضافية
المزاج : حزين
  المستوى : أنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond repute
  علم الدولة: علم الدولة: none
  الجنس: الجنس male
  الحالة :أنمآر غير متواجد حالياً

افتراضي

اقتباس:
المشاركة الأصلية كتبت بواسطة الشاعر يوسف الذهاب مشاهدة المشاركة


شي ممتع جقا
ولكرونا قوله


كل الأمتنان لك شاعرنا الكريم
تحياتي







آخر مواضيعي

0 نُسـخةٌ منه الـى سـلة المهـملات
0 هـمهمة بين ازقـة السواد
0 عنْ شَعّب وذات الحكاية ..!
0 نـِسـآءٌ خـُصِـصـَّنَ لِلـصـَبرّ ‘‘
0 سَلآميْ لَكِ أشبِيليَةٌ أُخرىْ

    رد مع اقتباس
قديم 28-03-2020, 01:03 AM   #5
عضو ذهبي
 
الصورة الرمزية أنمآر





 

معلومات إضافية
المزاج : حزين
  المستوى : أنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond reputeأنمآر has a reputation beyond repute
  علم الدولة: علم الدولة: none
  الجنس: الجنس male
  الحالة :أنمآر غير متواجد حالياً

افتراضي




دكة ناقصة ... !!

المافيا الأيطالية تتبرع للشعب الأيطالي سبعة مليار دولار
وتفرض حظراً على المدن لمنع تفشي الوباء ..

نقرتين لعرض الصورة في صفحة مستقلة

غير امكانية ....!! ( بس حقيقة وكفة حلوه منهم اربات دواوين مو بيدهم

خلي أنشوف مافيتنه ...
اكيد الهم وقفة مشرفة !!!


نقرتين لعرض الصورة في صفحة مستقلة

المافيا العراقية تتبرع للشعب .... ( الأيرااااني طبعا ليروح بالك بعيد
بمليار وثلاثمئة مليون دولار مساهمة أخوية لدعم حملة الجارة المحبوبة في التصدي للوباء !!!
ونقل أكثر من 400 أيراني مصاب بالفايروس الصيني
بطائرات عسكرية ( تابعة للمافيه ) !! الى داخل العراق للتخفيف من انتشاره هناك ....

.... ( وطشه هنا !!

شفتو مليشياتنه شلون فخر " شفتو حمامات سلام " ملائكة الرحمة "
مثل الفناجين تنطي بلا ثمن
.
!!..... ( ما أظن مثل ونتي يون يعكَوب نقرتين لعرض الصورة في صفحة مستقلة

عموماً ...
مليار وتلثميت مليون دولار ...
هذا معناه ماكو عجز بالخزينة .... شلووون ؟؟؟

لأن اصلا ماكو خزينة ..!!
وشسوي الدولة بالخزينة ... هه !
حته ثكَيلة ما تنشال اله بكرين ....( وتعال جيب ألكرين أو دي الكرين ... صعد الكرين
انضرب لوك الأكرين !


نقرتين لعرض الصورة في صفحة مستقلة

ثم الفلوس وسخ دنية ...........but i love this shit
ومذمومه
والبخل مذموم
وابو المثل يكَول اصرف ما بالجيب ...
وراهه اضرب صفنه ..!


بس عفيه عليهم مافيتنه
مليانين أنسانية
وكرم !!
و بالوجه الطيبة نهر
وبالكَفة علس
وعصايب ... ( وكواتم صوتيه
بالنزاهة واحدهم أيده تظل
ايد ترفة
وبالثانية
تفرهد وخاوات وعقود وهمية
غالي عليهم العراقي
و دمه غالي
وبس طاح النهار وغربت
غلفو بكَونيه ..نقرتين لعرض الصورة في صفحة مستقلة


!! ......... ( إيييييييييي
الله يذكرك بالخير يا دون كورليوني ...... ( إذا بعدك عايش بالفلم !!
( عراب اخو خيته ) جان ما يقابل أحد بس ابن ولايته ..!
ايطالي أي ...
ارجنتيني لع !!


نقرتين لعرض الصورة في صفحة مستقلة


كورليوني بعد ويظل أسمه دون
أبن عصابة أصيلة ..( وعون لكل دون
وعمت عين مافيتنه أللي تظل دون
هم نواقيص وحثلك وأهل ردية









آخر مواضيعي

0 نُسـخةٌ منه الـى سـلة المهـملات
0 هـمهمة بين ازقـة السواد
0 عنْ شَعّب وذات الحكاية ..!
0 نـِسـآءٌ خـُصِـصـَّنَ لِلـصـَبرّ ‘‘
0 سَلآميْ لَكِ أشبِيليَةٌ أُخرىْ

    رد مع اقتباس
إضافة رد

العلامات المرجعية

أدوات الموضوع ابحث في الموضوع
ابحث في الموضوع:

البحث المتقدم

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +3. الساعة الآن 06:00 AM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd.

إستضافة مؤسسة أهل الأنبار

للتسجيل اضغط هـنـا