هل تواجه مشكلة في تسجيل الدخول ؟ اضغط على الرابط التالي لطلب المساعدة الفورية

https://m.me/100003916609305

العودة   منتديات أهل الأنبار > ๑۩۞۩๑ المنتديات الأدبية ๑۩۞۩๑ > منتدى الشعر العراقي > منتدى الأبوذيات والدارمي

 
معلومات الموضوع
إختصارات
عنوان الموضوع
اكثر من 200 بيت دارمي .. مما راقَ لي
مشاركات
7
الموضوع التالي
« الموضوع السابق | الموضوع التالي »
الأعضاء الذين يتصفحو الموضوع
المشاهدات
2084
كاتب الموضوع
*&*SALAR*&*
إضافة رد
 
أدوات الموضوع ابحث في الموضوع
قديم 14-01-2011, 05:29 PM   #1
أحساس شاعـر
مشرف مجاز
 
الصورة الرمزية *&*SALAR*&*






 

معلومات إضافية
المزاج : افكر
  المستوى : *&*SALAR*&* will become famous soon enough
  علم الدولة: علم الدولة: Iraq
  الجنس: الجنس male
  الحالة :*&*SALAR*&* غير متواجد حالياً

افتراضي اكثر من 200 بيت دارمي .. مما راقَ لي

بسم الله الرحمن الرحيم

السلام عليكم ورحمة الله وبركاته
جمعه مباركه ع الجميع .. هذه اكثر من 200 بيت دارمي مما راقَ لي
وأحببت مشاركتم لي بها .. واتمنى تنال رضاكم.



==============
مرتبط گلبي اوياك
والنبض منك
هم تظن يوم انساك
واتخله عنك
==============
حسبالك آنه انساك
والكعبة غلطان
جوه الجلد موجود
يعني انته شريان
==============
إشتعل گلبي بنار
چي ماأشوفك
أنعل أبو الينساك
لابو اليعوفك
==============
كلما أريد انساك
تاخذني سكته
بالدنيه احب اثنين
بس الله وانته
==============
لاتظن مثل الناس
بس تبعد انساك
صح انته عني ابعيد
بس روحي وياك
==============
لاتظن واحد يوم
غيرك عشگته
ولو يوم احب اثنين
هم انته إنته
==============
لتصدگـ آنه انساك
دوم انته عالبال
هم شفت واحد عاش
لوگلبه ينشال
==============
تيزاب احط بالعين
واعدم نظرها
والروح اذا تنساك
أگطع خبرها
==============
لاتظن يوم انساك
يالروحي عندك
لو ما كفر بالدين
چاگمت اعبدك
==============
كل عقلك آنه انساك
يوم من الايام
مو عالجلد دگيت
إسمك عالعظام
==============
لو فكرت تنساك
وتعوفك الروح
چا صحت عزرايين
ياخذها وايروح
==============
لتصدگـ آنه انساك
وانسه الليالي
شما غبت يالمحبوب
تبقه انته غالي
==============
كلما أريد انساك
أرجع واحبك
مثل الزرع والماي
گلبي اويه گلبك
==============
أنسه الگلب لو راد
فد لحظة ينساك
شنهو الگلب والعين
كلهن فداياك
==============
كلمن يگول انساك
ينهجم بيته
يضحك عليك الگال
إسمك نسيته
==============
يسألني البطران
إعربلي كان
حسباله مثل العام
عقلي بمكانه
==============
حط روحك اعله الروح
خليني احس بيك

وحدي اويه ملچ الموت
لو باعك اشريك
==============
عيوني واشوفن بيك
يالتسوه العيون
لا والله ماأنساك
لو ينتهي الكون
==============
عاتبني لو حسيت
لحظة آنه ناسيك
يالتسري بالشريان
چاوين اخليك
==============
چتفت گلبي اچتاف
كل ضني ينساك
هزني وكسر ضلعين
خله ومشه اوياك
==============
اعنودي حد الموت
وانسى النسوني
بس انته خارج قوس
ساكن عيوني
==============
دمع المحب لوطاح
ماينحسب عيب
ومن كثر دمعي اعليك
رمشي انگلب شيب
==============
كون انگلب عصفور
واسكن شجركم
وكلما أصيحن ويص
يعني أحبكم
==============
مثل الجسد يهواي
صدگـ أحس بيك
وصدگني كلي ايموت
لو ماأحاچيك
==============
أتمنه آنه اوياك
بين الحضرتين
نشتم هوه العباس
ونزور الحسين
==============
كون الگلب بي باب
وينحطله كيلون
وبس انته تسكن بيه
ياضي العيون
==============
أهلا وسهلا بيك
يالجيتك كيف
وانته بغلات الماي
من يشح بالصيف
==============
لاخرزه لاكشاف
من الله احبكم
روح وگلب وعيون
ناذرهن الكم
==============
لو بالوفه والطيب
نمنح شهادات
چان انته ماجستير
بالطيبه والذات
==============
وردة اصبحت هالروح
تذبل بدونك
شنهو الحياة بغير
شوفت عيونك
==============
لو فد سباق ايصير
ياهو اجمل الناس
وانذب عليك اتراب
هم تاخذ الكاس
==============
بكل حلو لوله اتصير
بس شحچي عنك
صارت اللوله البيك
حته احله منك
==============
فرغته گلبي وصار
بس الك وحدك
يعني امن اعد اعزاز
بس انته اعدك
==============
مانگدر انصد ليك
نتكهرب انموت
تكتل حلاة البيك
خن غمض وفوت
==============
أشكثر عندي اعزاز
بعيوني ذني
وانته اعز من كل ذول
حته اعز مني
==============
راح اخبر السلطات
واهلي وعمامي
من عندي گلبي انباگـ
وانته الحرامي
==============
تدري الحلاة البيك
وصلت إلى حد
چن گمر تالي الليل
من تلبس اسود
==============
إسمك طبع بالروح
وبدمي يجري
غيرك فلا حبيت
بس الله يدري
==============
روحي قصيدة شوگـ
واكتبها بيدك
واشعل اسنيني اشموع
من يمر عيدك
==============
بالعيد اشوفك وين
يالشوفتك عيد
مشتاگه روحي اليوم
وتشوفك اتريد
==============
هاك العمر واختار
من عنده شتريد
بس كون اگضي اوياك
صبحية العيد
==============
العيد اجانه العيد
اشلون اهنيك
أهديلك آنه العين
لوبيها اخليك؟
==============
إنتي الذهب والماس
والجوهر انتي
والدنيه تصبح عيد
كل ماضحكتي
==============
بالسنه ثنين اعياد
أسمع يگولون
وكل ضحكة منك عيد
ياحلو العيون
==============
گالولي باچر عيد
إلمن تعايد
مادروا إنته العيد
وبگلبي گاعد
==============
الگلب گبل الناس
إتعنه دارك
ملهوف اجاك ايگول
عيدك امبارك
==============
فرحة وسعادة انطيك
بس گلي شتريد
ومني اخذ بوسات
من هسه للعيد
==============
عيدية الك بوسات
ما منها موجود
تطبع على الدلال
لامو عالخدود
==============
خلني بعذاب الشوگـ
مارايد العيد
چي لنك انته اليوم
عن عيني ابعيد
==============
لو اريد اعد اعزاز
لاترفع ايدك
هيه المعزة اتگوم
واتگول اريدك
==============
بعمري اشتري الطيبين
واطلب رضاهم
واتمنه روحي اصير
نجمة بسماهم
==============
رقة وترافة وطيب
شايلها گلبك
كلهن جمعهن بيك
سبحانه ربك
==============
لو ضايج ومخنوگـ
وتريد احاچيك
دگلي انته بس مسكول
وآنه اتصل بيك
==============
لك هذا يامجنون
ناقلك اخبار
عندي رصيد اهواي
ومطشرة طشار
==============
عيوني إلك دولار
وارموشي سنتات
ولو هم رصيد اتريد
آنه اشتري الكارت
==============
لامسج لامسكول
لاتذكرونه
يمكن شحن مابيه
لو نسيتونه
==============
مو صوچك انته الصوچـ
كله امن اديه
سويتلك مسكول
تفتح عليه
==============
كافي جفه يحباب
سمعوني حسكم
كلما تدگـ نغمات
حسبالي إنتم
==============
أرسل وادگـ مسكول
ميردلي اشبيه
صامت ومو هزاز
يمكن مسويه
==============
لمن تدگـ مسكول
يابويه شيصير
يرگص رگص ماصار
الگلب وايطير
==============
ياشمعة لاتطفين
ماعندي لالة
لازم لولف الروح
أكتب رسالة
==============
كلما أدگـ اعليك
مترد على طول
لو حجتك سنتات
سويلي مسكول
==============
وين الرسايل وين
مدز اليه
هنه خمس سنتات
تعزهن عليه
==============
من الله طاح اليوم
رقمك بإيدي
واعليك اخلص الروح
مو بس رصيدي
==============
تستاهل انته الروح
شنهو الرسالة
ولو خلصيت الكارت
دمي ابداله
==============
ظلن خمس سنتات
ماريد اعزهن
بيهن رسالة شوگـ
لهواي ادزهن
==============
ماأدري گلبي اشبيه
لمن اترمش
مثل الدليمي ايگوم
كل ساعة يرعش
==============
مارمش النقال
گلبي اللي رمش
يلهج بإسمك دوم
خجلني كلش
==============
فرمتت هاي الروح
من كل الاوهام
واول إسم حطيت
إسمك على الرام
==============
جيتك غفل يهواي
ناوشني بوسة
دزها برسالة بساع
لاسوي هوسه
==============
يمك تريد الروح
تسكن وترتاح
معذبني هالنقال
مايرسل ارواح
==============
لامسج لامسكول
چاشنهي فلمك
دزلي رسالة بساع
لاأمسح اسمك
==============
سرحان بالحسبات
مسكول اجاني
من شفته منك جاي
رأسا حياني
==============
كل ساعة اسو مسكول
ماترد يفلان
گلي شحن مابيه
لو مني زعلان
==============
خلص رصيدي اليوم
واسمك حمسحه
كل ماأسو مسكول
بيدك تفتحه
==============
ناذر نذر للناس
لمن اترمش
أگعد بنص السوگـ
وبراسي املش
==============
خاطر إليه اوياك
لو مالي خاطر
منك رسالة انريد
ماگلنه خابر
==============
الشحن عندي اهواي
والتغطية فول
بس من ادگـ اعليك
يطلعلي مشغول
==============
فايخ حبيب الروح
نايم على الريش
خايف على السنتات
گاضيها ترميش
==============
مخلص رصيدي چان
وهسه اشتريته
واول مسج دزيت
بسمك بديته
==============
غالي وعزيز اهواي
وافراگك ايهون
وهاي الخمس سنتات
فدوة لهالعيون
==============
من گلبي اسوي ارسال
وارسلك الروح
واگلب الدم سنتات
واتحدى الجروح
==============
أشحن واعبي الكارت
واصرفه بيومين
خلص الراتب بيك
وحگضيها بالدين
==============
مو خوفي عالسنتات
فدوة الك الفلوس
بس صاير النقال
مايرسل البوس
==============
لارنه لاترميش
لامنك اخبار
ردنه خمس سنتات
ماردنه دولار
==============
دگـ گلبي ست دگات
وانگلب هزاز
نقالي هم شيطان
يعرفهم اعزاز
==============
صح آنه گاطع بيك
صوت ورسايل
بس اشكثر بالروح
شوگـ الك شايل
==============
أنشد عليك الطير
وانشد هوه الهاب
صدگني ماأنساك
ياأغله الاحباب
==============
لاتظن حي وانساك
وبعيني رسمك
إسمي الثلاثي انساه
وماانسه إسمك
==============
لاتظن وانته بعيد
تنساك الگلوب
رسمك بنص العين
وبگلبي مكتوب
==============
ثاري الگلب بالشوف
أقوى من العيون
يعني التضيعه العين
بالگلب مدفون
==============
متوسد انته الروح
وبنصها غافي
كل البشر مغشوش
بس انته صافي
==============
حته الگمر بالليل
بعيوني شفته
صارت گباله وغاب
واتخيل انته
==============
وردة وعطرها ايفوح
واتمنه اشمها
كل البنات اضيع
من تمشي يمها
==============
أعتب عليك اهواي
ياضي الشموع
ليش المسج وياي
من فترة مگطوع
==============
گلبج وگلبي اثنين
واحد دربنه
هم وتعب واشواك
عذبنه حبنه
==============
أشلع اهدوب العين
وخيط جروحك
ونتبادل آنه اوياك
روحي اويه روحك
==============
گلب الوفي صندوگـ
وبيدك المفتاح
أمن اسرارك بيه
وبنومك ارتاح
==============
أحلم واسولف بيك
واحلف براسك
النجم لو مر بيك
دنگ وباسك
==============
أهديلك البوسات
كلهن فرد نوب
لو غاروا العذال
طبهم ألف طوب
==============
ردتك تجيني اليوم
وبعيني اشوفك
وشلون اصبر الروح
من گتلي اعوفك
==============
صح من انام الليل
واتغمض العيون
بس الگلب والروح
بيكم يفكرون
==============
انخاني شوف اشلون
راح انتخيلك
اتعكز اعله اضلوع
صدري وأجيلك
==============
گطعني ذبني بنار
واحرگني بيدك
ألتم وارد اردود
بس گول اريدك
==============
شدني بجذع من نار
وارميني چيلات
يدفنوني اجيك بليل
بالگبر مابات



اتمنى تعجبكم الدارميات


إن بدأ التقصير منا سؤالنا عفوكم
فنحن بشر كمالنا لا يدوم
آخر مواضيعي

0 أنتِ عالمي المجنون
0 اكثر من 200 بيت دارمي .. مما راقَ لي
0 صرخة حروف وكلمات لا تنتهي ...!!!
0 كلا أيها القمر .. بقلمـــــــي
0 احلاااااااااااااام البناااااااااات

    رد مع اقتباس
قديم 15-01-2011, 11:15 AM   #2
مَـلـ,,اللَيل,,ــكـة
▓ قلم مميز ▓
 
الصورة الرمزية عابرة امواج الالم






 

معلومات إضافية
المزاج : وحيدة
  المستوى : عابرة امواج الالم has much to be proud ofعابرة امواج الالم has much to be proud ofعابرة امواج الالم has much to be proud ofعابرة امواج الالم has much to be proud ofعابرة امواج الالم has much to be proud ofعابرة امواج الالم has much to be proud ofعابرة امواج الالم has much to be proud ofعابرة امواج الالم has much to be proud ofعابرة امواج الالم has much to be proud ofعابرة امواج الالم has much to be proud of
  علم الدولة: علم الدولة: Iraq
  الجنس: الجنس female
  الحالة :عابرة امواج الالم غير متواجد حالياً

افتراضي

متأكد كلهن إلك ههههه
عاشت ايدك والله كلهن حلوااات كولش
ودي


وأني إكتفيت.،•~

آخر مواضيعي

0 قالوا بأن الورد يشبه [">>حلاها <<"]
0 "○{أول وشم في العـيـن}○"
0 ,؛○♠"لــكــزس 2012"♠○؛,
0 ♥☺○•":.نَـجـاحٌ سـاحق حَـقـقـتـهُ عـصـفـورة الـمـنـتـدى.:"•○☺♥
0 ♣•→لأشْجّْآرُ صَآمِتْـہْ .. لَڪِنَّهْآ لَيْسَتَ مَيتْـہْ←•○♣

    رد مع اقتباس
قديم 16-01-2011, 09:55 AM   #3
أحساس شاعـر
مشرف مجاز
 
الصورة الرمزية *&*SALAR*&*






 

معلومات إضافية
المزاج : افكر
  المستوى : *&*SALAR*&* will become famous soon enough
  علم الدولة: علم الدولة: Iraq
  الجنس: الجنس male
  الحالة :*&*SALAR*&* غير متواجد حالياً

افتراضي

اقتباس:
المشاركة الأصلية كتبت بواسطة عابرة امواج الالم مشاهدة المشاركة
متأكد كلهن إلك ههههه
عاشت ايدك والله كلهن حلوااات كولش
ودي


هههههههههههه لا .. اني كُلت مما راق لي
وايدج العايشة يا ورده
الاحلى مرورج العطر و تواجدج الرائع

ودّي وحلــم وردي


إن بدأ التقصير منا سؤالنا عفوكم
فنحن بشر كمالنا لا يدوم
آخر مواضيعي

0 أنتِ عالمي المجنون
0 اكثر من 200 بيت دارمي .. مما راقَ لي
0 صرخة حروف وكلمات لا تنتهي ...!!!
0 كلا أيها القمر .. بقلمـــــــي
0 احلاااااااااااااام البناااااااااات

    رد مع اقتباس
قديم 17-01-2011, 01:14 PM   #4
الدلع مو علينه
عضو مُتألق
 
الصورة الرمزية عاشق سنسونه






 

معلومات إضافية
المزاج : عاشق
  المستوى : عاشق سنسونه will become famous soon enough
  علم الدولة: علم الدولة: Iraq
  الجنس: الجنس male
  الحالة :عاشق سنسونه غير متواجد حالياً

افتراضي

==============
كلمن يگول انساك
ينهجم بيته
يضحك عليك الگال
إسمك نسيته


يسلمو
كلهن روعه


###########

يحتاجوا حضن يضمهم ..يجونى يشكوا همهم
اسيب دموعى تشكى .. وامسح بايدى دمعهم
وجيب صيرلى ده كله منين ... انا موجوع تعبت خلاص
نسيت النوم ويوم ورا يوم ..هموم بالكوم ودور على موتى
شبعت عذاب ... ماليش احباب مفيش غير دمعه فعيونى
حاولت اهرب من الالم ... داويت جراح اللى اتظلم
احلم بقلب يحبنى ... وصحى على صرخة ندم
يعدى كل يوم ويفوت ... اقول بكرة اكيد هرتاح
حبايبي ليه سابونى بموت .. خلاص زمن الحبايب راح


آخر مواضيعي

0 احلى شعر عراقي حزين
0 ماذا يحدث للبنات في منتصف الليل
0 للحب بقلوب البشر عشـر لمسـات
0 رسالة سجين خارج من سجون العراق الجديد
0 شوفو يا عرب كافي عماله

    رد مع اقتباس
قديم 18-01-2011, 10:19 AM   #5
أحساس شاعـر
مشرف مجاز
 
الصورة الرمزية *&*SALAR*&*






 

معلومات إضافية
المزاج : افكر
  المستوى : *&*SALAR*&* will become famous soon enough
  علم الدولة: علم الدولة: Iraq
  الجنس: الجنس male
  الحالة :*&*SALAR*&* غير متواجد حالياً

افتراضي

يسلم قلبكَ و روحكَ يا غالي
نورت الموضوع بمرورك الرائع والجميل

الاحلى تواجدكَ يا رائع

ودّي


إن بدأ التقصير منا سؤالنا عفوكم
فنحن بشر كمالنا لا يدوم
آخر مواضيعي

0 أنتِ عالمي المجنون
0 اكثر من 200 بيت دارمي .. مما راقَ لي
0 صرخة حروف وكلمات لا تنتهي ...!!!
0 كلا أيها القمر .. بقلمـــــــي
0 احلاااااااااااااام البناااااااااات

    رد مع اقتباس
إضافة رد

العلامات المرجعية

الكلمات الدلالية (Tags)
دارمي, دارمي عراقي, دارميات, دارميات عراقية

أدوات الموضوع ابحث في الموضوع
ابحث في الموضوع:

البحث المتقدم

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +3. الساعة الآن 07:09 AM.

Powered by vBulletin® Version 3.8.5
Copyright ©2000 - 2018, Jelsoft Enterprises Ltd.

إستضافة مؤسسة أهل الأنبار

للتسجيل اضغط هـنـا