هل تواجه مشكلة في تسجيل الدخول ؟ اضغط على الرابط التالي لطلب المساعدة الفورية

https://m.me/100003916609305

العودة   منتديات أهل الأنبار > ๑۩۞۩๑ المنتديات الأدبية ๑۩۞۩๑ > منتدى الشعر العراقي

 
معلومات الموضوع
إختصارات
عنوان الموضوع
اروع ما قدمه ( الشاعر مظفر النواب والشاعر عريان السيد خلف ) بقلم الشاب المتألق الهمام
مشاركات
76
الموضوع التالي
« الموضوع السابق | الموضوع التالي »
الأعضاء الذين يتصفحو الموضوع
المشاهدات
73947
كاتب الموضوع
الهمام
إضافة رد
 
أدوات الموضوع ابحث في الموضوع
قديم 13-12-2012, 02:25 PM   #1
رحمه الله
 
الصورة الرمزية الهمام





 

معلومات إضافية
المزاج : اللهام
  المستوى : الهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond repute
  علم الدولة: علم الدولة: Iraq
  الجنس: الجنس male
  الحالة :الهمام غير متواجد حالياً

افتراضي اروع ما قدمه ( الشاعر مظفر النواب والشاعر عريان السيد خلف ) بقلم الشاب المتألق الهمام

1 – بعد لتظن

عريان السيد خلف



بعد لَتظن

تحايلني المودة وليك روحي اتحن

وبعد لتظن

تكَاوي مشتتاتي

وبيك بس أصفن

وأبد لتظن

يضوكَ الدمع عيني

ويطفح المجمن

مالازم فرح

كون اليحب مذلول

وبشوفة عيونك عل يحبها اتمن

انا بروحي اليتم من لحظة الميلاد

وشيكلف اليتيم الحزن من يحزن ؟

سكَتني أول محبه

الكاس تلو الكاس

مر ، وتفننت أتفنن

وَنّت

ما قصرّت ، يا بخت هاي الروح

ابسكَاي المر . ترف مترهدن اترهدن

وأنه امباري ويه طولك خاف من لا خاف

تدفه بلهيبي

وآنه أطكَ سن بسن

ومذاير . حمامه وذيراها الباز

ومذيّر الباز . إبيا كتر يَمّن ؟

كفّت لا ملامة ، ولاضحج شمات

ولا كَال وكَلت ، وازماط وتمسكن

اهي كَطعة نفس لو رفسة المذبوح

والمذبوح

رفسه ومن بعد يسكن .
آخر مواضيعي

0 امام التصوف السيد الرفاعي رحمهُ الله
0 مراتب التقوى:
0 إحياء السنن النبوية
0 قصة امرأة تركية في الحرم المكي
0 مراكب تائهة...ومرافىء غائبة

    رد مع اقتباس
قديم 13-12-2012, 02:27 PM   #2
رحمه الله
 
الصورة الرمزية الهمام





 

معلومات إضافية
المزاج : اللهام
  المستوى : الهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond repute
  علم الدولة: علم الدولة: Iraq
  الجنس: الجنس male
  الحالة :الهمام غير متواجد حالياً

افتراضي

مظفر النواب

من { للريل وحمد }



1 – للريل وحمد

{ على ماء الصبح أحبته . على ماء الليل ، كان للهجر قمر ، ومرّ قطار }

مرّينه بيكم حمد ، واحنه إبقطار الليل

واسمعنه دكَ اكَهوه

وشمّينه ريحة هيل

يا ريل صيح ابقهر

صيحة عشكَ يا ريل .
هودر هواهم ولك

حدر السنابل كّطه

***

يا بو محابس شذر ، يلشاد خزّامات

يا ريل بلّله ابغنج

من تجزي بام شامات

ولا تمشي مشية هجر

كَلبي بعد ما مات .

وهودر هواهم ولك

حدر السنابل كَطه .

***

جيزي المحطة بحزن وونين يفراكَين

ما ونّسونه بعشكَهم
عيب تتونسين .

يا ريل جيّم حزن

أخل الهوى مجيّمين .

وهودر هواهم ولك

حدر السنابل كَطه .

***

يا ريل طلعوا دغش والعشكَ جذابي

دِكَ بيه كل العمر ما يطفه عطابي

نتوالف ويه الدرب وترابك ترابي .

وهودر هواهم ولك

حدر السنابل كَطه .

***

آنه أرد ألوكَ لحمد . ما لوكَن لغيره

يجفلني برد الصبح وتلجلج الليره

يا ريل باول زغرنه لعبنا طفيره .

وهودر هواهم ولك

حدر السنابل كَطه .

***

جن حمد فضة عرس جن حمد نركَيله

مدكَكَ بمي الشذر ومشلّه شليله

يا ريل . ثكَّل يبويه وخلِ أناغيله

يمكن أناغي بحزن منه ويحن الكَطه

كَضبة دفو ، يا نهد لملمك برد الصبح

ويرجفنّك فراكَين الهوه ياسرح .

يا ريل . لا . لا تفززّهن . تهيّج الجرح

خليهن يهودرن حدر الحراير كّطه .



***

جن كّذلتك ، والشمس ، والهوه هلهوله

شلايل بريسم ، والبريسم اله سوله

واذري ذهب يا مشط يلخلكَكَ اشطوله .

بطول الشعر

والهوى البارد

ينيّم الكَطه .

***

تَو العيون امتلن ضحجات وسواليف

ونهودي زمَّن ، والطيور الزغيره ، تزيف .

يا ريل . سَّيس هوانه وما اله مجاديف .

وهودر هواهم ولك

حدر السنابل كَطه .

***



2 – مضايف هيل

{ 1959 – بدأ الاقطاعيون بنهر الكحلاء ، وابتدأت الردة }



مَيلن . لا تنكَطن كحل فوكَ الدم

مَيلن . وردة الخزّامة تنكَط سم

جرح صويحب بعطابه ما يلتم

لا تفرح ابدمنه لا يلكَطاعي

صويحب من يموت المنجل يداعي .



***

أحاه . شوسع جرحك ما يسده الثار

يصويحب . وحكَ الدم ودمك حار

من بعدك ، مناجل غيظ ايحصدن نار .



شيل بيارغ الدم فوكَ يلساعي

صويحب من يموت المنجل يداعي .

مَيلَن . لا تغيظنه بِجَه صويحب

وبجفنه النِدي نجم الكحل ، غايب

لو يشرِكَ اردود ، المسج ونعاتب

عتب النده ، بروح البردي يلناعي

وملامح عيون انعجه ، للراعي .

لَتفزعن ، مثايه العين . شِدنه

مَيلن وردة الخزّامة ، على الحنّه

صويحب . ما مش صويحب أبد . مِنّه .

هذا إيشان ، ما ينذل للاكَطاعي

وبليل الخناجر ، منجله يداعي .



ودَّن على المكاحل يا مضايف هيل

غطنّه ، بكحل دخله ومحبة ليل

عكَبك سجة يصويحب هجرني الريل .



لتشيلك مذلة الريل يكَطاعي

من ريل { الرميثة } المنجل يداعي .

هاي آنه اللّحضنك لا تلم روحك

اضمك بالكَصايب عين لتلوحك

يصويحب . أفيِّ الفيه لجروحك

يتلاكَن عيون الذيب بشراعي

وأحاه أشكبر ضحجات الاكَطاعي ؟



صويحب على العِكَل صندوكَ عرس اجبير

حزمه من الحصاد . ايلفها طيب جثير

وين اللي يكَلي { فلان } وين يصير ؟

أوصله وأدكَ شراعه بشراعي

صويحب من يموت المنجل يداعي .



صدور الغيظ اينفثن نار على المشركَ

وجفوف الفِلح ، لمة شمس تحركَ

ها . يلحُكُم . هاي شرايع تمزلكَ

والخنزير يزلكَ بيها يالراعي

وصويحب يموت ومنجله يداعي .



حا . يصويحب الدكات . ايفتحن دم

وبشيمة عطش تِندَه اليشامغ سم

يلنجمك حَمَر عدّه ، العكَل تلتم

طيب الذات خاوه الذيب والراعي

وتوالم عرس واويه واكَطاعي .



طِشّن طيب وخزّامات ورِز عنبر

وبحسن الكَصايب حَنّن المعبر

ما هي جروح يصويحب . نكَش خنجر

حِسَّك حِسَّك اتنبّر يهل الناعي

صويحب من يموت المنجل يداعي .



صويحب . هاي حبتك لا تطول الموت

من تسمع شجية الفِلح رِد الصوت

هاي الدنيه عيب يضيع بيها الفوت

البِد . البِد ابدمك يلكَطاعي

كل بيدر وراه المنجل يداعي .



1960
آخر مواضيعي

0 امام التصوف السيد الرفاعي رحمهُ الله
0 مراتب التقوى:
0 إحياء السنن النبوية
0 قصة امرأة تركية في الحرم المكي
0 مراكب تائهة...ومرافىء غائبة

    رد مع اقتباس
قديم 13-12-2012, 02:29 PM   #3
رحمه الله
 
الصورة الرمزية الهمام





 

معلومات إضافية
المزاج : اللهام
  المستوى : الهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond repute
  علم الدولة: علم الدولة: Iraq
  الجنس: الجنس male
  الحالة :الهمام غير متواجد حالياً

افتراضي

الشاهد

عريان السيد خلف


بعد بيّه الصبر واجد 1

يشب بيدي المكابر . نار تلهم باث

يكَضيني الشرار وطبعي أضل بارد

أزم شفّه اعله شفه

وناب يخلف ناب

كل واحد شكل ، وصوابهن واحد

مكَالب ، والليالي تريد وَسعة بال

وهموم العَلَي ما مرّن ابواحد

كفاني اترفعت عن جلمة الياحيف

وسهمي اشمانكَض ، من هالوكت زايد

أكابر عالنزف

حدّ وشلة النتّاك

دامَنته وجزت . لا جَبِّر ولا شِد

كَبل مهره احلامي

تضل باثرها الخيل

هسه إشما اعسها . امحدّده اتحِدّدد

ومشاجج زماني وياي

عين ابعين

اتمهمز الكَومه ، وصاح بيّه إكَعد

حجّرني الصبر . لا سَمِح لا مغتاض

حالي لحالتي . لا وادِد . ولا ضِد

لا مَلكَه اليدب بالروح

دَفكَة روح

ولا عصرة حزن للراد عني إيصد

خلها إشما تصح . خنياب لو صيهود

طيّبت النفس .

لا طيّر . ولا سِد .

لا طيب الحليب

إيحرّك الوجدان

ولا صاحب وفي

العند الضنك ينشد

بس مجمع عجارب . ويل للغفلان

تتناوبه ابسمها وبالعجل تلبد

صحبة ليل كاس

وكهكهة غُمّان

محاببهم جذب ومزاحهم بارد

عمت عين الليالي

وهجم بيت الموت

يتخطى الرعيع وياخذ الماجد

دنيه ولاوَحَتني . املامح السرحان

غشّتني ابهداها وباكَت الواحد

وبعد بيّه الصبر واجد . اضل الهَلعصر شاهد

واصفهم بالقصايد واحد الواحد

واطشرهم وَلَمهم واحسب الف حساب

وَنّكَي الثوب الابيض من ردي الفاسد .
آخر مواضيعي

0 امام التصوف السيد الرفاعي رحمهُ الله
0 مراتب التقوى:
0 إحياء السنن النبوية
0 قصة امرأة تركية في الحرم المكي
0 مراكب تائهة...ومرافىء غائبة

    رد مع اقتباس
قديم 13-12-2012, 02:30 PM   #4
رحمه الله
 
الصورة الرمزية الهمام





 

معلومات إضافية
المزاج : اللهام
  المستوى : الهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond repute
  علم الدولة: علم الدولة: Iraq
  الجنس: الجنس male
  الحالة :الهمام غير متواجد حالياً

افتراضي

مضايف هيل

مظفر النواب

{ 1959 – بدأ الاقطاعيون بنهر الكحلاء ، وابتدأت الردة }



مَيلن . لا تنكَطن كحل فوكَ الدم

مَيلن . وردة الخزّامة تنكَط سم

جرح صويحب بعطابه ما يلتم

لا تفرح ابدمنه لا يلكَطاعي

صويحب من يموت المنجل يداعي .



***

أحاه . شوسع جرحك ما يسده الثار

يصويحب . وحكَ الدم ودمك حار

من بعدك ، مناجل غيظ ايحصدن نار .



شيل بيارغ الدم فوكَ يلساعي

صويحب من يموت المنجل يداعي .

مَيلَن . لا تغيظنه بِجَه صويحب

وبجفنه النِدي نجم الكحل ، غايب

لو يشرِكَ اردود ، المسج ونعاتب

عتب النده ، بروح البردي يلناعي

وملامح عيون انعجه ، للراعي .

لَتفزعن ، مثايه العين . شِدنه

مَيلن وردة الخزّامة ، على الحنّه

صويحب . ما مش صويحب أبد . مِنّه .

هذا إيشان ، ما ينذل للاكَطاعي

وبليل الخناجر ، منجله يداعي .



ودَّن على المكاحل يا مضايف هيل

غطنّه ، بكحل دخله ومحبة ليل

عكَبك سجة يصويحب هجرني الريل .



لتشيلك مذلة الريل يكَطاعي

من ريل { الرميثة } المنجل يداعي .

هاي آنه اللّحضنك لا تلم روحك

اضمك بالكَصايب عين لتلوحك

يصويحب . أفيِّ الفيه لجروحك

يتلاكَن عيون الذيب بشراعي

وأحاه أشكبر ضحجات الاكَطاعي ؟



صويحب على العِكَل صندوكَ عرس اجبير

حزمه من الحصاد . ايلفها طيب جثير

وين اللي يكَلي { فلان } وين يصير ؟

أوصله وأدكَ شراعه بشراعي

صويحب من يموت المنجل يداعي .



صدور الغيظ اينفثن نار على المشركَ

وجفوف الفِلح ، لمة شمس تحركَ

ها . يلحُكُم . هاي شرايع تمزلكَ

والخنزير يزلكَ بيها يالراعي

وصويحب يموت ومنجله يداعي .



حا . يصويحب الدكات . ايفتحن دم

وبشيمة عطش تِندَه اليشامغ سم

يلنجمك حَمَر عدّه ، العكَل تلتم

طيب الذات خاوه الذيب والراعي

وتوالم عرس واويه واكَطاعي .



طِشّن طيب وخزّامات ورِز عنبر

وبحسن الكَصايب حَنّن المعبر

ما هي جروح يصويحب . نكَش خنجر

حِسَّك حِسَّك اتنبّر يهل الناعي

صويحب من يموت المنجل يداعي .



صويحب . هاي حبتك لا تطول الموت

من تسمع شجية الفِلح رِد الصوت

هاي الدنيه عيب يضيع بيها الفوت

البِد . البِد ابدمك يلكَطاعي

كل بيدر وراه المنجل يداعي .



1960
آخر مواضيعي

0 امام التصوف السيد الرفاعي رحمهُ الله
0 مراتب التقوى:
0 إحياء السنن النبوية
0 قصة امرأة تركية في الحرم المكي
0 مراكب تائهة...ومرافىء غائبة

    رد مع اقتباس
قديم 13-12-2012, 02:31 PM   #5
رحمه الله
 
الصورة الرمزية الهمام





 

معلومات إضافية
المزاج : اللهام
  المستوى : الهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond reputeالهمام has a reputation beyond repute
  علم الدولة: علم الدولة: Iraq
  الجنس: الجنس male
  الحالة :الهمام غير متواجد حالياً

افتراضي

اخذني وياك

عريان السيد خلف



جَمّلني بعد كَطره وخذني وياك

هناك . الفيض كَلبك

حتى روحي تنام

عصفورة جرف . بلل جنحها الكَيض

اخذني وياك

امشي بغير واهس

والطوار كَصار

وعيوني غُرُب . وجفوف إديّه اوداع

واسمي ابغير معنى

وميل كحلك غاب

ونمشدني اعله كَلبي

كَلبي حب وذاب

يا كَلبي حلكَ تنور ، لو سرداب ؟

صوَغني ، ولو من ليلكم نجمه

تِبات وياي

ومن تشبع سهر

ويجيسها الوهواس

اطفّيها ابصبح

والغبشه رشكَة ماي

واشعلني وَلع

يدّوي العطش بالعود

حتى انزع جلد روحي

وارد لصباي

أمّلني الفرح بسمَك . ورد عالباب

فاحَت ريحتَه ، ولّنّك بعد ماجاي

بعد ماجاي .

من يا صوت اصيحك

والصدى ايجاريك

واكَلك : مَكََدرت ، يالتكَدر ابليّاي .
آخر مواضيعي

0 امام التصوف السيد الرفاعي رحمهُ الله
0 مراتب التقوى:
0 إحياء السنن النبوية
0 قصة امرأة تركية في الحرم المكي
0 مراكب تائهة...ومرافىء غائبة

    رد مع اقتباس
إضافة رد

العلامات المرجعية

أدوات الموضوع ابحث في الموضوع
ابحث في الموضوع:

البحث المتقدم

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +3. الساعة الآن 11:48 AM.

Powered by vBulletin® Version 3.8.5
Copyright ©2000 - 2021, Jelsoft Enterprises Ltd.

إستضافة مؤسسة أهل الأنبار

للتسجيل اضغط هـنـا